Ramush Haradinaj dha dorëheqjen nga posti i kryeministrit të Kosovës. Arsyeja e këtij vendimi ka thënë ai, është një thirrje për t’u marrë në pyetje nga Specialja si i dyshuar. Lidhur me këtë akt, një reagim i menjëhershëm ka ardhur nga kryedemokrati Basha. Me anë të dy postimeve në Twitter, ai shkruan se dorëheqja e Haradinaj, është një akt i një njeriu që ve Atdheun mbi gjithçka.
“Dorëheqja e kryeministrit Ramush Haradinaj është akti i një njeriu që ve Atdheun mbi gjithçka. Ramushi i ka shërbyer gjithmonë me vetëmohim Kosovës, në ditë të mira dhe në ditë të këqija. Ramush Haradinaj është Kosova – Kosova e lirë, Kosova e pavarur, Kosova europiane.
Askush dhe asgjë nuk e përdhos dot luftën çlirimtare të Kosovës dhe sakrificën sublime të familjes Haradinaj në altarin e lirisë!”, përfundon kreu i PD-së, Basha.