Në Bruksel sot dhe nesër do të vijojë raundi i ri i bisedimeve mbi çështjen e emrit me Greqinë, për herë të pas ndërprerjes së tyre në vitin 2014. Ndërmjetësuesi i OKB-së Metju Nimic do të ulet në tryezë me ambasadorin e Maqedonisë në Shtetet e Bashkuara, Vasko Naumovski dhe negociatorin grek Adamantios Vasilakis.
Për sot ndërmjetësi ka planifikuar takime të ndara, dhe për nesër është planifikuar takim i përbashkët. Për rezultatin e takimeve në Bruksel këto ditë nuk ka njoftime nga pala maqedonase dhe ndoshta më shumë informacione dhe detaje për publikun duhet të ndajë nesër ndërmjetësuesi Nimic. Është e paqartë se si ai do tu qaset bisedimeve me diplomatët dhe nëse eventualisht mund të dalë një propozim i ri.
“Por, me ose pa një propozim konkret, megjithatë takimet e mëparshme në nivel ministror në Athinë, Shkup dhe Bruksel treguan se atmosfera mes dy vendeve në kohën e tanishme është më miqësore, thotë analisti Andrea Stojkovski”-shkruan Alsat.
“Deklaratat shkojnë në drejtimin që ajo duhet të jetë në gjashtë muajt e parë të vitit të ardhshëm, apo deri në qershor të vitit të ardhshëm. Nëse shkojmë në këtë afat kohor që e thotë ministri i jashtëm grek dhe kryeministri Cipras ndoshta mund të presim, jo në këtë takim, por në një të ardhme të afërt të ketë më shumë lëvizje. Sipas meje, duhet të presim negociata thelbësore dhe marrëveshje për zgjidhjen e ardhshme të mundshme rreth muajit mars ose maj” -tha Andreja Stojkovski, Qendra për strategji evropiane “Eurothink”.
Takimi në Bruksel do të mbahet vetëm dy ditë pasi Kryeministri grek Aleksis Cipras tha se viti 2018 mund të jetë viti, që mund të ketë një zgjidhje pozitive të problemit shumëvjeçar. Mbështetje për të kapërcyer problemin erdhi edhe nga kryeministri bullgar Bojko Borisov, duke thënë se çështja duhet të zgjidhet dhe të gjithë së bashku ti ndihmojnë Komisionit Evropian për të marrë vendim të drejta, dhe jo vetëm të vendosen ultimatume.
