Kryeministri i Shqipërisë Edi Rama është takuar me homologun grek Alexis Tsipras.
Dy kryeministrat kanë diskutuar për ecurinë e marrëdhënieve dypalëshe dhe gjetjen e një mekanizmi konsultimesh për zgjidhjen e problemeve të përbashkëta të trashëguara nga e kaluara dhe largimin nga retorika konfliktuale.
Në këtë takim, Rama vlerësoi kontributin e Greqisë në procesin e anëtarësimit të Shqipërisë në BE si dhe të mbështetjes së komunitetit shqiptar në shtetin fqinj.
Nga anatjetër, kryeministri grek Tsipras, ka shprehur mbështetjen ndaj reformave shtet-konsoliduese në Shqipëri si dhe rëndësinë që Rama i kushton respektimit të të drejtave të pakicës greke në vendin tonë.
Ky takim u zhvillua në Bruksel gjatë Samitit të NATO-s ku morën pjesë dhe dy ministrat e Jashtëm, Bushati dhe Kotzias.
