Kreu i PD-së, Lulzim Basha i ka dërguar një mesazh ambasadorit të Britanisë së Madhe në Tiranë, Duncan Norman në lidhje me gjendjen shëndetësore të kryeministrit britanik.
Ky i fundit u shtrua në spital 2 net më parë pasi gjendja e tij nga koronavirusi u përkeqësua. Përmes një postimi në Facebook, Basha thotë se i ka uruar një shërim të shpejtë kryeministrit britanik, Boris Johnson.
“Qytetarët e Britanisë së Madhe kanë nevojë për ju në luftën kundër #COVID19. Mendimet dhe lutjet e mia shkojnë për kryeministrin dhe të dashurit e tij. Të vendosur dhe të bashkuar ne do t’i kalojmë edhe këto kohë tepër sfiduese”, thuhet në mesazhin drejtuar ambasadorit të Britanisë së Madhe në Tiranë.
Gjendja shëndetësore e kryeministrit britanik Boris Johnson u përkeqësua edhe më shumë mbrëmjen e djeshme, duke u futur nën kujdes intensiv.
Para 11 ditësh, Johnson rezultoi pozitiv me COVID-19, ndërkohë që simptomat me kalimin e ditëve nuk iu përmirësuan, raporton “BBC”.
Kësisoj ai ka kaluar nën kujdes intensiv, ku përfshihet edhe intubimi në rastin më të rëndë. Thuhet se vendin e tij si kryeministër pritet ta zërë përkohësisht sekretari i Jashtëm Domenik Raab.
Pse rrogat rriten në letra, por varfëria rritet në realitet?
