Autoritetet britanike kanë nisur një protokoll të ri, duke testuar banorët në zonat më të rrezikuara në shtëpitë e tyre.
Nga kjo e premte ka nisur testimi derë më derë i banorëve të Leicester, një prej zonave ku u shënua një rritje e rasteve të reja me koronavirus në ditët e fundit.
Sipas mediave britanike, në Leicester po shpërndahen teste edhe në shtëpitë e atyre që nuk kanë shfaqur asnjë simptomë.
Më 29 qershor, në Leicester u rikthyen disa nga masat shtrënguese pas numrit të lartë të rasteve të regjistruar në atë zonë.
Kryetari i bashkisë, Soulsby thotë se kjo është mënyra e vetme për të ulur përhapjen e pandemisë.
Deri më tani, Mbretëria e Bashkuar ka regjistruar më shumë se 288 mijë raste me koronavirus dhe mbi 44 mijë viktima.
