Britania e Madhe duhet të vaksinojë 2 milionë njerëz në javë për të shmangur një valë të tretë të shpërthimit të koronavirusit.
Ky konkluzion është arritur nga një studim i London School of Hygiene and Tropical Medicine (LSHTM). Britania ka regjistruar më shumë se 71 mijë viktima dhe 2.3 milionë raste nga COVID-19, shkruan Reuters.
“Skenari më i rreptë i ndërhyrjes sikurse me nivelin 4 (kufizimet) në të gjithë Anglinë, mbyllja e shkollave gjatë janarit dhe vaksinimi i 2 milionë njerëzve në javë, është skenari i vetëm që kemi konsideruar për të ulur ngarkesën në ICU (kujdesi intensiv)”, thotë studimi.
“Në mungesë së ‘shtrirjes’ së konsiderueshme të vaksinave, rastet, shtrimet në spital, pranimet në ICU si dhe vdekjet në vitin 2021, mund t’i tejkalojnë ato në vitin 2020”, thuhet më tej.
Implementimi i përshpejtuar i 2 milionë vaksinave në javë parashikohet të ketë një ndikim shumë më thelbësor.
Në fillim të këtij muaji, Britania u bë vendi i parë në botë që hapi vaksinën e bërë nga Pfizer dhe BioNTech. Qeveria britanike tha të enjten se 600,000 njerëz kishin marrë dozën e parë të vaksinës Pfizer-BioNTech COVID-19.
