Kryeministri i Britanisë së Madhe, Boris Johnson deklaroi se nuk ka shpresë për ndonjë lehtësim të bllokimit për tre javë të tjera, duke përjashtuar përfundimisht idenë që nxënësit të mund të kthehen në klasa.
Ai tha sot se shkollat nuk do të rihapen të paktën deri më 8 mars ndërsa ai u përpoq të shuante zemërimin në rritje të qytetarëve duke premtuar një ‘hartë rrugore’ nga bllokimi në javët e ardhshme.
Kreu i qeverisë dha lajmin e zymtë për miliona fëmijë dhe prindër që luftuan në një deklaratë në Dhomën e Komunave këtë pasdite, duke thënë se ai e dinte se sa ‘të irrituar’ do të ishin ata, shkruan Daily Mail.
“Ne nuk do të këmbëngulim për një ditë më shumë sesa është e nevojshme, por as nuk do të relaksohemi shumë shpejt. Pamja e përgjithshme duhet të jetë më e qartë deri në mes të Shkurtit.”, tha Johnson.
Britania e Madhe është një nga vendet më të prekura nga koronavirusi në botë. Në shtator të vitit 2020, në Londër u shfaq një mutacion i virusit, ku sipas studimeve është 30% më vdekjeprurës dhe 70% më ngjitës.
