Një 60-vjeçare në Britaninë e Madhe, arriti që të vjedhë diamante në vlerë rreth 4.8 milionë euro, pasi u paraqit si një person i trajnuar dhe i kualifikuar për të njohur dhe vlerësuar xhevahiret.
Gruaja e identifikuar si Lulu Lakatos, mashtroi argjendarët duke pretenduar se detyra e saj ishte të kontrollonte profesionalisht diamantet nga kompania Boodles në Londrën qendrore, dhe më pas me një lëvizje delikate të duarve, i zëvendësoi ato me gurë të zakonshëm, shkruan The Guardian.
Lakatos vlerësoi shtatë diamante në një dyqan në New Bond Street përpara se t’i fuste në një qese, dhe mashtrimi i saj u zbulua vetëm kur u hap përsëri e njëjta çantë, në të cilën u gjetën gurë të zakonshëm.
Lakatos, e cila ka lindur në Rumani dhe jetonte në Francë, mohoi aukzat ndaj saj, se ksishte shkuar në argjendari për të vjedhur diamantet. Ngjarja ka ndodhur në muajin mars të vitit 2016, por vetëm shtatorin e kaluar, Lakatos u arrestua në Francë me një urdhër arresti evropian dhe u ekstradua në Britaninë e Madhe, teksa gjyqi ndaj saj vijon.
