Brazili është një nga vatrat më aktivë të koronavirusit, duke regjistruar mijëra raste të reja dhe qindra viktima në ditë.
Vendi tashmë ia ka kaluar edhe Francës dhe Gjermanisë për numrin më të lartë të të infektuarve, duke u renditur i gjashti në botë pas SHBA-ve, Spanjës, Rusisë, Mbretërisë së Bashkuar dhe Italisë.
Ditën e djeshme, Brazili shënoi 11,555 raste të reja me COVID-19 dhe 754 viktima. Deri më tani, Brazili numëron mbi 190 mijë persona të infektuar dhe 13,240 viktima.
Mbi 78 mijë raste janë shëruar, ndërsa rreth 100 mijë raste janë ende aktive.
Koronavirusi ka prekur më shumë se 4,4 milionë njerëz nga e gjithë bota, ndërsa i ka marrë jetën rreth 300 mijë personave.
