Edhe pse ditët e fundit kemi pasur ulje të rasteve me Covid-19, drejtori i Urgjencës Kombëtare, Skënder Brataj mendon se pas muaj prill, kurba do të rritet.
I ftuar në emisonin ”Real Story”, Brataj u shpreh se fushata elektorale do të ketë ndikim të madh në situatën epidemiologjike.
Për Bratajn, është shqetësuese grumbullimi i njerëzve në takimet elektorale, dhe sidomos në zonat e thella, ku kontrollet janë më të pakta.
Skënder Brataj: ”Kujdesi është më i pakët në zonat e thella, ku ka më pak kontroll. Është fiziologjike që do të ndodhë, pas prillit do të kemi një rritje të numrave të infektuar dhe të sëmurëve, për arsye të fushatës, të grumbullimit të njerëzve. Edhe shkuarja e vetë kandidatëve për deputetë në zonat e thella, ku janë të detyruar të shkojnë, është një rrezik, se kontrolli është më i vogël. Në Gjirokastër shpërtheu virusi, se u bllokuan njerëzit në kufi. Është shumë e qartë që edhe grumbullimi i njerëzve tani do ta japë rezultatin.”
