Të enjten kryeministri Edi Rama deklaroi në Kuvend se një prokuror në Durrës punon për bandat kriminale dhe u bën shantazh nëpunësve të shtetit.
Zëvendëskryeministri Erion Braçe ishte sot i pranishëm në seancën gjyqësore ndaj ish-kreut të Kadastrës së Durrësit Liridon Pula, prej ku pohoi se prokurori i kësaj çështjeje mbështet një grup kriminal në qytetin bregdetar. Mirëpo Braçe nuk e përmendi emrin e prokurorit.
“Dihet që prokuror i çështjes në fjalë është Arian Ndoja, gjyqtare Besiana Gaxena dhe avokate Brunela Kullolli”, raporton “balkanweb”.
Zv.kryeministri tha se është absurde që një punonjësi të shtetit i bëhet presion nga organet e akuzës: “Është absurde që një punonjësi shteti i bëhet presion nga organi i akuzës në këtë mënyrë. Reforma në Drejtësi duhet të veprojë me vendosmëri, duke hequr nga sistemi këta prokurorë dhe gjyqtarë”.
