Virusi i misterioz kinez mund të përhapet edhe mes njerëzve. Ky ishte alarmi i ngritur dje nga autoritetet kineze, pasi u shënuan viktima të tjera. Sakaq, në SHBA është regjistruar dhe rasti i parë me virusin kinez.
Mediat amerikane bëjnë me dije se një mashkull 30-vjeçar është shtruar në spital në Seattle me koronavirusin e ri kinez . Lajmi është dhënë nga Qendrat e Kontrollit dhe Parandalimit të Sëmundjeve (CDC). Ky është rasti i parë në SHBA dhe autoritetet po marrin masa për izolimin e virusit.
Në listën e vendeve të prekura nga virusi janë Kina, Japonia, Korea e Jugut, Tajlanda dhe Tajvan.
Sipas autoritete, amerikani nuk ka pasur kontakt me tregjet ku është shfaqur virusi në Kinë, por ka udhëtuar në rajon dhe mund të jetë infektuar nga kontakti që mund të ketë pasur me persona të cilët kanë qenë të prekur, njoftoi Nancy Messonnier, drejtuesja e Qendrës së Sëmundjeve Respiratorë të CDC, në një konference telefonike për shtyp.
