Politikani holandez Robert Bosch, njëkohësisht edhe ish-ambasadori i OSBE-së në Shqipëri është ndalur të flasë për mediat pas takimit që pati me kreun e Kuvendit Gramoz Ruçi dhe kreun e grupit parlamentar Taulant Balla.
Bosch ka folur për situatën në të cilën ndodhet Shqipëria dhe për protestat, sipas të cilit krijojnë një imazh të keq për vendin. Gjithashtu ai tha se qeveria akuzohet për bashkëpunim me krimin.
“Protesta të mëdha në Shqipëri sepse njerëzit janë të zhgënjyer nga qeveria, e cila akuzohet se bashkëpunon me krimin e organizuar. Kështu thonë njerëzit që protestojnë. Por protestat krijojnë imazh të keq. Disa janë skeptikë për Ballkanin Perëndimor në përgjithësi”, tha ndër të tjera Bosch, një politikan me influencë në Holandë dhe kryetar i shoqatës shqiptaro-holandeze.
Ai i bëri apel politikanëve shqiptarë të shohin dhe punojnë për popullin. “Ju lutem punoni për shqiptarët jo për partitë tuaja, por për shqiptarët”, tha Bosch.
