Kandidatit kryesor për t’i zënë vendin kryeministres së dorëhequr Tereza May, Boris Johnson ka deklaruar se “duhet shqyrtuar mundësia e një amnistie për ata qindra mijëra emigrantë ilegal të cilët ndodhen në Angli për më shumë se 15 vjet”.
Në një intervistë për ‘Dailymail”, Johnson është shprehur tejet i kënaqur nga njerëzit që u përkasin komuniteteve të ndryshme dhe që pretendojnë të zhvillojnë jetën e tyre në Angli.
Kjo deklaratë do të thotë se mijëra shqiptarë të palegalizuar do të mund të përfitojnë lejet e qëndrimit.
Mirëpo, Johnson ka një kusht sa i përket gjuhës, për të cilën shprehet se duhet të flisni shumë mirë anglisht.
“Dëshiroj që të gjithë ata që vijnë në Britaninë e Madhe të ndjehen britanikë. Kjo është me shumë rëndësi por duhet të mësojnë anglisht. Shpesh shikojmë zona të tëra përfshi pjesë të Londrës dhe në qytete të tjera ku nuk po flitet anglisht si gjuhë e parë nga disa njerëz. Kjo me patjetër duhet të ndryshojë”, tha ai.
