Ashtu siç ishte paralajmëruar nga meteorologët, bora ka zbardhur një pjesë të madhe të vendit.
Mirëpo me nisjen e reshjeve të borës kanë nisur edhe problemet e para me qarkullimin e automjeteve.
Autoriteti Rrugor Shqiptar jep informacion lidhur me gjendjen në akset kombëtare në vend, duke tërhequr vëmendjen e drejtuesve të mjeteve për më shumë kujdes dhe për gjithë ato segmente ku rekomandohet përdorimi i zinxhirëve.
Informacion mbi gjendjen e akseve kombëtare:
?Rajoni Verior
Në rajonin verior gjatë natës ka pasur reshje shiu dhe dëbore.
Qarkullimi në të gjitha segmentet e këtij qarku kryhet pa zinxhirë.
Në segmentin Kuben-Vasie, Qafë e Buallit-Krastë, Ura e Cerenecit-Qafë Dragalicë qarkullimi kryhet pa zinxhirë.
Rekomandohet përdorimi i tyre në segmente të vogla, si pasojë e borës që sjell era në rrugë ❄️ kontraktorët e mirëmbajtjes ??janë në terren për të bërë të mundur pastrimin e të gjitha akseve.
?Rajoni Qendror
Në rajonin Qendror nuk ka probleme në qarkullim e mjeteve.
Rekomandohet përdorimi i zinxhirëve në segmentin Lunik-Steblevë, kontraktorët e mirëmbajtjes ? po punoj për pastrimin e plotë të të gjithë segmenteve të këtij Rajoni.
?Rajoni Jugor
Reshjet e borës në Qarkun e Korçës kanë filluar në orën 4 të mëngjesit. Trashësia arrin deri në 15. Në segmentin Boboshticë-Dardhë reshjet vazhdojnë. Kalimi nga km 5 deri në 14 rekomandohet me zinxhirë për makinat e vogla.
Në segmentet e tjera nuk ka probleme në qarkullim,
??Të gjithë kontraktorët janë në terren me mjete e punëtorë për pastrimin e akseve rrugore dhe monitorimin e situatës rast të përkeqësimit të motit.
⚠️Drejtuesit e mjeteve ? të tregohen të kujdesshëm gjatë qarkullimit, sidomos gjatë orëve të para të mëngjesit dhe përgjatë natës, të reduktojnë shpejtësinë, të pajisen me goma dimërore dhe zinxhir, të respektojnë sinjalistikën ? dhe udhëzimet e Policisë Rrugore ?♂️.
