Prej hyrjes së personazheve të njohur publik në shtëpinë e “Big Brother VIP” për të darkuar, aty u kris marrëdhënia Donald dhe Beatrix. Shkak u bë batuta e Ermal Mamaqit që përmendi ish të dashurën e Donaldit, Bora Zemanin, duke thënë se do ta merrte si aktore në sezonin e ri të serialit të tij. Ndërkohë, batuta vijoi nga Salsano Rrapi duke përmendur emrin e Trixës, gjë që shkaktoi të qeshura nga të gjithë të pranishmit. Lidhur me situatën aq shumë të përfolur-Bora-Donald-Beatrix, një reagim ka shprehur edhe Arjan Konomi.
Gjatë një videoje “live” në llogarinë e tij në “Instagram”, opinionisti i “Për’puthen” është shprehur se nuk e ka patur qejf Donaldin, dhe theksoi se veprimi i tij kundrejt Borës ka treguar “mungesë burrërie dhe pjekurie”.
“Nuk jap dot ndonjë mendim të saktë për këtë gjë, sepse nuk e kam njohur mirë marrëdhënien e tyre. Unë me Borën kemi miqësi shumë të mirë, shkojmë në mënyrë të shkëlqyer, merremi vesh shumë mirë. Unë jam me fat që e kam atë kolege, dhe besoj se për sa kohë do të jemi bashkë, do të shkojmë shumë mirë.
Por nga ana personale nuk është se flasim shumë. Me thënë të drejtën, nuk e kam takuar asnjëherë Donaldin, edhe kur ishte me Borën dhe një nga arsyet është që unë nuk e kam patur qejf atë.
Jo se kam gjë për atë si djalë, është djalë i mirë por nuk e shikoja dot Borën me atë. Nuk është se Bora në atë situatë humbi diçka, pavarësisht se ishte në mënyrë jo të bukur dhe aspak elegante dhe të lëndosh një njeri në mënyrë të atillë aq më tepër publikisht nuk tregon as pjekuri, as burrëri. Vazhdojmë luajmë me “Spiderman”, është shprehur Arjani.
