Që prej largimit nga Real Madrid, emri i Zinedine Zidane ka qenë i lidhur me një kalim të mundshëm te Juventus. Javët e fundit zërat janë shtuar shumë dhe flitet që në fund të sezonin mbaron edhe aventura e Allegrit në krye të bardhezinjve.
Nga sezoni i ardhshëm me shumë mundësi Zidane do të jetë arkitekti i Juventusit, për tu sjellë sukses në kompeticionet evropiane, kryesisht në ëndrrën për të fituar Champions Leaguen.
Sot nga Spanja vjen lajmi që Juventusi ka bërë ofertën e parë zyrtare për teknikun francez. Sipas “El Pais”, raportohet se klubi italian i ka ofruar një kontratë deri në 2022 Zidanit, i cili duket i predispozuar ta pranojë këtë ofertë.
Ky lajm i publikuar nga Spanja bën me dije se ky ka qenë shkaku që Zidane ka mohuar të marrë drejtimin e Realit, pas telefonatës që Perez i bëri pas dy tre humbjeve radhazi në “Bernabeu”.
