Deputetja e LSI-së, Silva Caka ka dalë para pak minutash në një konferencë për shtyp.
Gjatë fjalës së saj, Caka numëroi akuza të shumta ndaj kryeministrit Rama, për të cilin tha se ka panik nga zbatimi i Vettingut dhe nga mbështetja e madhe që ka LSI.
Jo vetëm kaq, por Caka akuzoi drejtpërdrejt se kreu i PS-së po bën çmos për vjedhjen e votave, ndërsa shtoi se e ktheu “rilindjen në ndërmarrjen më të madhe të drogës në Evropë”.
“Rama bëri përpjekje që opozita të mos futej në zgjedhje. Ai ka injoruar gratë socialiste, si dhe është i tmerruar nga zgjedhjet e lira. Rilindjen e tij e ktheu në ndërmarrjen më të madhe të drogës në Europë. Është vetë kryepolici që planifikon vjedhje votash duke përdorur çdo mjet të mundshëm.
Rama donte të manipulonte zgjedhjet, ndodhet në panik për mbështetjen që ka LSI në të gjithë vendin si dhe ka panik nga zbatimi i Vettingut.
Le të çmendet kryepolici, LSI-ja do të dalë forcë e parë në qarkun e Beratit, dhe jo vetëm aty, por në të gjithë Shqipërinë”, tha Caka./ Tirana Today
