Ish-këshilltari për siguri kombëtare i presidentit amerikan Donald Trump, John Bolton deklaroi së fundmi se Kosova dhe Serbia janë larg arritjes së një marrëveshje.
Gjatë një interviste për “N1” në Sarajevë, Bolton ndër të tjera u shpreh se marrëveshja eventuale mes Prishtinës dhe Beogradit sa i përket çështjes së shkëmbimit të territoreve nuk do të duhej të ndikonte në situatën në Bosnje dhe Hercegovinë.
“Mendoj se duhet ta themi qartë se marrëveshja bilaterale mes Kosovës dhe Serbisë nuk do të kishte ndikim në Bosnje, Shqipëri, Rumani, Bullgari apo ndonjë palë të tretë”, shtoi ai.
