Kryetari i Partisë Demokratike, Lulzim Basha ka reaguar në lidhje me protestën e sotme, të zhvilluar për vrasjen e 25-vjeçarit, Klodian Rasha dy netë më parë nga një efektiv policie.
Basha theksoi se tashmë askush se beson më kryeministrin Rama, pas 7 vitesh dështime, vjedhje dhe terror.
”Pas 7 vitesh dështime dhe premtime të pambajtura, 7 vite mashtrime, vjedhje dhe dështime, 7 vite dhunë dhe terror ndaj familjeve shqiptare, 7 vite rrënim dhe manipulime, askush se beson më Edi Ramën. Boll më!”, shkruan Basha në rrjetin social, Twitter.
Pas 7 vitesh dështime dhe premtime të pambajtura, 7 vite mashtrime, vjedhje dhe dështime, 7 vite dhunë dhe terror ndaj familjeve shqiptare, 7 vite rrënim dhe manipulime, askush se beson më Edi Ramën. Boll më!
— Lulzim Basha (@lulzimbasha_al) December 10, 2020
