Kryeministri Edi Rama ka reaguar pas incidentit të ndodhur sot në parlament, ku deputeti Paloka e njollosi me bojë në të gjithë fytyrën me anë të një shiringe.
Në një postim në Instagram, Rama ka publikuar foton e shiringës, të cilën Paloka e përdori për të hedhur bojën. Ndërsa, vijon me talljen ndaj deputetit demokrat, të cilin e quan «Palotha».
“Penda e mendimtarit E.Th.Palotha pas një derdhjeje të fuqishme mendimesh mbi rolin e opozitës në zhvillimin e vendit», shkruan Rama në Instagram.
Veprimi i Palokës u pa si një hakmarrje e këtij të fundit pas talljes së Ramës ndaj tij, ndërsa Kryemadhi deklaroi se kryeministri përdori bullizëm ndaj deputetit demokrat.
