Pas bllokimit të rrugës dje në hyrje të Shkodrës, 10 persona do procedohen në gjendje të lirë. Mes tyre është kreu i Partisë Demokratike në këtë qytet, dhe kryetari i FRPD-së së Shkodrës.
Policia sqaron se të proceduarit, në bashkëpunim me njëri-tjetrin kanë mbledhur rreth 70 persona në një tubim të paligjshëm, duke bllokuar të dy krahët e lëvizjes në urën e Bahçallëkut, prishur rendin e qetësinë publike dhe kanë kundërshtuar forcat e policisë.
Mes të hetuarve në gjendje të lirë janë edhe kreu PD-së në Shkodër, Xhevdet Amuli dhe kryetari i Forumit Rinor të PD-së në Shkodër, Arvit Bushati.
