Kryebashkiakja e Shkodrës, Voltana Ademi, denoncon se Dega e Thesarit të Shtetit në Shkodër, nuk ka pranuar të kryej veprimet për bashkinë e Shkodrës siç ndodh zakonisht.
Ademi i është drejtuar me një letër ministres së Financave dhe Ekonomisë, Anila Denaj, duke u shprehur se Drejtoria e Përgjithshme e Thesarit ka penguar funksionimin e Bashkisë Shkodër.
Kryebashkiakja ende në detyrë ia ka dërguar këtë letër edhe ndërkombëtarëve në vendin tonë, duke u shprehur se kërkon një zhbllokim të shpejtë të kësaj situate, të cilën e quan të paprecedentë.
Denoncimi i Voltana Ademit vjen vetëm një ditë pas konstituimit të Këshillit Bashkiak të Shkodrës, mes përplasjeve të forta të protestuesve opozitarë dhe policisë.
