Dhjetra të shoqëruar dhe një sasi droge e sekuestruar si pasojë e një aksioni në Rrëshen. Të paktën 25 persona janë shoqëruar pas një operacioni blic në qytetin e Rrëshenit, ndërsa është sekuestruar edhe një sasi droge.
Forcat Speciale të mbërritura nga Tirana kanë ndërhyrë në një lokal bilardo, në pronësi të një shtetasi me precedent penalë që njihet në Mirditë.
Në ambientet e lokalit, ka pasur persona duke konsumuar drogëra të forta. Ky është operacioni i dytë që zhvillohet në harkun kohor të pak ditëve në këtë biznes, njofton ‘News 24’. Në ambientet e tij janë gjetur edhe pajisje të kundraligjishme të lojërave të fatit, përfshirë sallë kompjuterësh dhe tavoline pokeri.
