Presidenti i Serbisë, Aleksandar Vuçiç me eskortën e tij kanë hyrë rreth orës 11:00 në territorin e Kosovës përmes kufirit të Jarinjës.
Vizita e tij vjen fill pas vrasjes së politikanit serb, Oliver Ivanoviç, që ndodhi këtë javë në veri të Mitrovicës, ku vrasësit dhe motivet e vrasjes ende nuk dihen.
Ndërkohë, ne momentin e fundit njoftohet per nje ndryshim te axhendes se tij. Së pari ai do ta vizitojë manastirin Banjska.
Pastaj nga ora 12:00, do të bëjë homazhe në vendin ku është vrarë Oliver Ivanoviçi.
Rreth orës 12:15 do të ketë takim me përfaqësuesit serbë në Kosovë, në Fakultetin Teknik në Mitrovicën e Veriut.
Pastaj do të niset për në Graçanicë, ku në orën 17:00 do ta vizitojë Manastirin, pastaj në ora 17:30, do të ketë takime me qytetarë në Shtëpinë e Kulturës në Llapnasellë.
‘Blindohet’ Kosova, Vuçiç arrin në Jarinjë. Shoqërohet nga njësitet speciale
Presidenti serb, Aleksandër Vuçiç me eskortën e tij, ka hyrë në territorin e Kosovës përmes kufirit të Jarinjes para pak castesh.
Ai pritet të vizitojë manastirin e Bajnskës rreth orës 10:45, prej nga pastaj do të qëndrojë në veri të Mitrovicës.
Mjete të blinduara të Policisë së Kosovës janë nisur drejt bazës në Mitrovicë para vizitës së presidentit serb Vuçiç.
Njësitë speciale të policisë nga Prishtina janë nisur drejt Mitrovicës për të ofruar siguri.
Këto njësi me mjete të blinduara do të vendosen në bazën e tyre “Belvedere” në Lagjen “Bair” të Mitrovicës.
KALLXO.com ka postuar foto të lëvizjes së njësisë speciale me mjete të blinduara.
Aleksandar Vuçiç do të qëndrojë sot e nesër në Kosovë, disa ditë pas vrasjes së Oliver Ivanoviqit.
Kjo është agjenda e Vuçicit:
Rreth orës 10:30 Aleksander Vuçic do të vizitojë manastirin Banjska.
Rreth orës 11:30 do të ketë takim me përfaqësuesit serbë në Kosovë, në Fakultetin Teknik në Mitrovicën e Veriut.
Rreth orës 17:00 do të ketë takime me qytetarë në Shtëpinë e Kulturës në Llapnasellë.
