Vendi i parë në listën e blerjeve më të shtrenjta i takon Atletico Madrid. Klubi spanjoll rrëmbeu atë që konsiderohet si një nga talentet e futbollit evropian dhe pasardhësi i denjë i Cristiano Ronaldo-s. Bëhet fjalët për Joao Felix, ndërsa për portugezin 19-vjeçar, Diego Pablo Simeone detyroi klubin të derdhte në arkën e Benfica 126 milion euro për kartonin e tij. Blerja e dytë më e shtrenjtë në sesionin e verës i takon Barcelonës.
Klubi katalunjas u detyrua të paguante 120 milion euro për të marrë Antoine Griezmann nga Atletico Madrid. Kjo shifër ishte parashikuar në klauzolën e kontratës së sulmuesit francez. Treshja e parë plotësohet me një tjetër klub spanjoll. Nuk mund të mungonte Real Madrid, që për transferimin e Eden Hazard nga Chelsea shpenzoi 100 milion euro, shkruan “balkanweb”.
“Los Blancos” kryesojnë renditjen e klubeve që investuan më shumë në dritaren e fundit të tregut të transferimeve, pasi përveç futbollistit belg, morën shërbimet e Luka Jovic, pasi morën shërbimet e Luka Jovic, Mendy, Rodrygo dhe Militao në një shifër që kalon 300 milion euro.
Në vendin e katërt qëndron Manchester United. “Djajtë e Kuq” transferuan Harry Maguire nga Leicester për 87 milion euro. Një rekord më vete, pasi kjo është shifra më e lartë e shpenzuar për një mbrojtës në historinë e futbollit. Në pesëshen e parë të blerjeve më të shtrenjta të merkatos së verës qëndron Mathijs De Ligt. Holandezi 19 vjeçar la Ajax Amsterdam për t’u bashkuar me Juventusin për 75 milion euro.
