Ministrja franceze e Mbrojtjes, Florence Parley, ka reaguar pas deklaratave të kryeministrit grek për blerjen e avionëve francezë “Rafale”.
Përmes një postimi në Twitter, Parley e ka cilësuar këtë lajm si të mrekullueshëm.
“Greqia ka njoftuar dëshirën e saj për të blerë 18 ‘Rafale’. Ky është një lajm i shkëlqyeshëm për industrinë franceze të hapësirës ajrore dhe e para: një vend evropian dëshiron të blejë avionë luftarakë Rafale. Rezultati i një politike eksporti që unë ndjek vazhdimisht nga viti 2017”, tha ajo.
Ky është reagimi i parë zyrtar nga Parisi. Kryeministri grek, Kyriakos Mitsotakis, është shprehur se avionët do të shërbejnë për të mbrojtur vendin e tij.
