Prokuroria e Posaçme kundër Korrupsionit dhe Krimit të organizuar, (SPAK) ka nisur hetimet për ministren e Jashtme, Olta Xhaçka.
Hetimi lidhet me me dy tendera e Ministrisë së Mbrojtjes, atë për blerjen e maskave për ushtrinë dhe tenderin për ushqimet.
SPAK ka dyshime për abuzim pasi ka zbuluar se tenderi në fjalë është rinegociuar nën argumentin e Xhaçkës, se Ministrisë së Mbrojtjes i erdhën asokohe maska dhuratë dhe se nuk donte që të mbeteshin stok.
‘Na erdhën dhuratë masat, menduam se do të ishin stok’, ka deklaruar ministrja Xhaçka.
Xhaçka është marrë në pyetje nga SPAK për këtë prokurim, pasi në të gjendet firma e saj. Sa i takon tenderit të ushqimeve, SPAK po heton për rolin që ministrja ka patur në procedurë.
