E hënë, 8 Mars, 2021
9 C
Tirana

Deri 1 miliardë dollarë grami, ja kush janë elementet më të shtrenjtë në botë

Elementet kimikë janë blloqe ndërtimi të gjithçkaje që shohim rreth nesh. Deri tani njihen 118 elementë, 94 prej të cilëve janë në gjendjen e tyre natyrale përfshirë hekurin, argjendin dhe arin, ndërsa të tjerët janë sintetikë, si kuriumi dhe kaliforniumi. Ja cilët janë10 elementët më të shtrenjtë të Tokës

  1. Ari: 56 dollarë grami

Është një nga elementët më të njohur dhe të përdorur në botë, sidomos tek bizhutë. Gati çdo civilizim antik e konsideronte këtë metal si shumë të vlefshëm. Edhe shkenca ka vërtetuar se disa nga karakteristikat e arit e bëjnë atë të përsosur për përdorim në fushën elektronike, edhe pse pengesë është kostoja e tij e lartë.

  1. Rodiumi: 58 dollarë grami

Përdorimi i tij kryesor është në industrinë e makinave. Cilësia më e madhe e këtij metali është fortësia e tij ndaj gërryerjes dhe kimikateve më të forta. Rodiumi përdoret gjithashtu në prodhimin e bizhuve, sidomos si një shtresë e hollë në arin e bardhë për të përmirësuar pamjen këtij të fundit.

  1. Platinumi: 60 dollarë grami

Ka rezistencë të jashtëzakonshme ndaj gërryerjes korrozionit, madje edhe në temperatura të larta. Për shkak se është i vështirë të gjendet, në mbarë botën në vit prodhohen vetëm disa qindra ton. Përveç përdorimit në prodhimin e bizhuve, ai gjen përdorim edhe në industrinë e makinave, stomatologji, madje edhe në mjekësi.

  1. Lantani: 64 dollarë grami

Është aq i butë saqë mund të pritet edhe me thikë. Ai përdoret si katalizator, në llamba me karbon për dritat e studios dhe projektorët, tek elementet e ndezjes në çakmakë dhe pishtarë, në katodat e elektroneve, në elektrodat GTAWetj. Por për shkak se gjendet me pakicë, kostoja e këtij elementi është mjaft e lartë.

  1. Lutecium: 69 dollarë grami

Është një nga metalet e rralla të Tokës. Por ndryshe nga lantanumi, ka shumë pak përdorime komerciale. Sidoqoftë, luteciumi i qëndrueshëm mund të përdoret si katalizator në procesin e rafinimit të naftës, por edhe në alkilim, hidrogjenizim dhe polimerizim.

  1. Skandiumi: 270 dollarë grami

Në vitet 1970 u zbulua se skandiumi ndikon pozitivisht në lidhjet e aluminit. Deri më sot, përdorimi i tij kryesor mbetet në lidhje të tilla. Tregtia globale e oksidit të skandiumit është rreth 10 ton në vit.

  1. Plutoniumi: 4.000 dollarë grami

Përdorimi kryesor i plutoniumit është tek armët dhe reaktorët bërthamorë. Si Plutonium-239 dhe Plutonium-241 janë të copëtueshëm, çka do të thotë se ato mund të mbështesin një reaksion zinxhir bërthamor. Plutoniumi është shumë radioaktiv, gjë që e bën atë jashtëzakonisht të rrezikshëm për t’u menaxhuar.

  1. Karboni: 65.000 dollarë grami

Karboni është një nga elementët më thelbësorë për jetën. Edhe pse një sasi e madhe e tij gjendet i pranishëm në të gjithë trupat tanë, dhe gjëra të tilla si qymyri dhe grafiti që nuk janë të shtrenjta siç e dimë të gjithë. Por nëse atomet e karbonit renditen në një mënyrë të caktuar mund të kenë një vlerë jashtëzakonisht të lartë. Në formën e diamantit, karboni mund t’ju kushtojë deri në 65.000 dollarë grami.

  1. Kaliforniumi: 25-27 milion dollarë grami

Ky element u zhvillua për herë të parë në vitin 1950 në Universitetin e Kalifornisë në Laboratorin e Rrezatimit, duke bombarduar kuriumin me grimca alfa. Që nga ajo kohë, është prodhuar vetëm pak gram i këtij elementi. Kostoja është rreth 27 milion dollarë, dhe kjo pasi prodhimi global i kaliforniumit është gjysmë grami në vit.

  1. Franciumi: 1 miliard dollarë grami

Një gram francium nuk është parë nga askush. Kjo për shkak se gjysma e jetës së këtij elementi është rreth 22 minuta, gjë që do të thotë se çdo sasi e shikueshme e elementit do të avullojë menjëherë. Sasia më e madhe e këtij elementi që është prodhuar ndonjëherë në laborator, ishte një tufë prej më shumë se 300.000 atomesh. Pavarësisht çmimit të lartë, ky element nuk ka asnjë përdorim praktik.

Burimi i lajmit: https://www.wonderslist.com/top-10-expensive-elements/

Përshtatur nga TIRANA TODAY

- Reklama -

Më shumë nga kategoria




Të fundit

Dalin emrat e parë nga PS/ Rama në Durrës e Vlorë, Majko i 19-ti në Tiranë

EMRAT E PARË NGA PS Pandeli Majko i 19-ti në Tiranë Rama Durrës i 8-ti Rama në Vlorë i 9-ti Damian Gjiknuri i 8-ti në Vlorë Etilda Gjonaj e...

Zgjedhjet e 25 prillit, Facebook paralajmëron partitë politike

Platforma sociale, “Facebook” ka bërë një thirrje për partitë politike, duke u kërkuar atyre të jenë transparente për mënyrën se si do të financojnë...

Meta rikthehet në krye të LSI-së, nëse fiton Rama? Ja si përgjigjet Kryemadhi

Kryetarja e Lëvizjes Socialiste për Integrim, Monika Kryemadhi, shprehet e bindur se opozita e bashkuar, në zgjedhjet parlamentare të 25 prillit do të marrë...

Zelanda e Re tronditet nga tërmeti me magnitudë 6.6 ballë

Zelanda e Re është tronditur nga një tërmet me magnitudë6.6 në brigjet e saj lindore, vetëm disa ditë pasi një varg tërmetesh në të...

Berisha: PD-ja po shkon drejt fitores së sigurt, Rama po xhiron në boshllëk

Ish-kryeministri Sali Berisha, është i bindur se Partia Demokratike po shkon drejt fitores së sigurt të zgjedhjeve parlamentare të 25 prillit. I ftuar në PolitikOn,...