Dy opinionistët e “Love Story” në Klan, Bleona Qerreti dhe Robert Aliaj janë infektuar me variantin Omicron, por nuk kanë simptoma shqetësuese. Ndonëse nuk ishin dje prezent në spektakël, ata kanë dërguar nga një videomesazh. Bleona ka mbetur në Amerikë, ndërsa Roberti në Belgjikë.
“Mirëmbrëma të gjithëve, fatkeqësisht për shkak të Omicron nuk mund të jem aty sonte. Do doja të përshëndesja të gjithë dhe të uroj shqiptarët gëzuar Vitin e Ri dhe shiheni javës tjetër”, ka thënë Bleona përmes një videoje.
View this post on Instagram
“Mirëmbrëma “Love Story”. Një vit i ri i mbarë dhe të sjell fundin e pandemisë, le të jem unë viktima e fundit e Covid që më detyroi që të qëndroj në Bruksel dhe nuk më la që të jem aty me ju.
Do doja që të jeni më të vëmendshëm, vajzat karshi djemve dhe djemtë të thonë fjalë më të bukura për vajzat. Do doja që t’iu jap një këshillë të vogël, të jeni më me vetëbesim. Ju përqafoj shumë fort, bëni kujdes dhe do flasim në vazhdim, unë nëpërmjet Instagramit dhe ju nëpërmjet mikrofonit“, tha Robert Aliaj.
