Në kohën kur opozita e cilësoi protestën e mbrëmshme si një ndër më madhështoret dhe me pjesëmarrjen më të madhe, Drejtori i Transportit Rrugor, Blendi Gonxhja thotë se në bulevard nuk ishin mbi 3000 protestues.
Teksa i ka shprehur urimet opozitës për protestën, ku nuk degjeneroi në dhunë, ai ka një vërejtje lidhur me mashtrimin për numrin e të pranishmëve. Blendi Gonxhe shpjegon më tej se intuita më e thjeshtë pamore, përmasat e pjesës në fjalë të bulevardit dhe numërimi i thjeshtë me sy provon shifrën në fjalë.
Statusi
Natyrisht urime opozitës për protestën e parë civile e pa dhunë mbrëmë! Por qortime për rrenat. Si veteran protestash, efekti viziv i protestës në plan horizontal 10m mbi kokat i jep madhështi, por edhe mbrëmë prapëseprapë në bulevard nuk ishin mbi 3000 protestues.
Llogari e thjeshtë, s’do as shkencë as talent me e kuptu. Fotot nga piku kur mbahej fjalimi. Intuita më e thjeshtë pamore, përmasat e pjesës në fjalë të bulevardit dhe numërimi i thjeshtë me sy provon shifrën që po them.
Gënjeshtrat me “qindra mijëra”, “oqean”, “cunam”, “më ultra gjigandja a më ultra madhështorja”, apo dhe ato më të kursyerat me “65000…” i takojnë fantazisë. Mbremë lajmi i vetëm i vërtetë ishte që protesta ishte e urtë e paqësore! Pjesmarrësit të disiplinuar, shpërndarë me kujdes që të duken shumë, efekti me dritat e celularit organizuar mirë.
#ProtestaEDrejtëThemelore #JoDhunës#RespektSi30Si3000KurDalinPaDhunë
