Gazetari Blendi Fevziu ka komentuar zgjedhjet në Kosovë, ku rezultoi fituese ‘Vetëvendosja’ e drejtuar nga Albin Kurti. I ftuar në ‘Syri TV’, Fevziu ka bërë edhe disa kritika ndaj liderit të VV-së.
Sipas moderatorit të ‘Opinion’, Albin Kurti ka disa teza majtiste që kanë dështuar. Ai tha më tej se rritja e taksave do të jetë problematike, ndërsa shprehu dëshirën që Albin Kurti të jetë një kryeministër i ndershëm.
“Ka disa teza tipike majtiste, që janë provuar dhe kanë rezultuar një dështim spektakolar. Kryesisht në ekonomi. Rritja e taksave do të jetë problematike.
Duhet të jetë i kujdesshëm, por shpresoj që të jetë një kryeministër i ndershëm. Është shumë e vështirë të ruash statujën e opozitarit, kur je në pushtet. Kjo do ta bëjë Albin Kurtin shumë të kujdesshëm”.
