Ndërsa mbërritja në Tiranë e vaksinës anticovid ka ende element të pazbardhur lidhur me mënyrën se si ajo është kryer, Shefja e Departamentit të Epidemiolgjisë pranë ISHP, Silva Bino u shpreh se kushtet në të cilat vaksina ka mbërritur kanë qenë adeguate.
Në ”Opinion”, ajo tha se vaksinat janë të pajisura me pajisje të cilat tregojnë kushtet dhe temperaturën në të cilat është kryer transporti.
Pjesë nga biseda në studio
Fevziu: Me çfarë është transportuar vaksina?
Bino:Vaksina brenda ka një spiun dhe një skedë të përcaktuar. Spiuni tregon temperaturën e vaksinës, që është brenda kutisë e cila ka akullin e ftohtë dhe ne nëpërmjet atij spiuni shikojmë temperaturën. Temperatura ka qenë adekuate, minus 80 gradë.
Fevziu: Spiuni tregon momentet e temperaturës së dorëzimit apo gjatë gjithë rrugës?
Bino: Jo, jo gjatë gjithë rrugës.
