Numri i viktimave nga koronavirusi po rritet me ritme të shpejta në Shtetet e Bashkuara të Amerikës.
Në 24 orët e fundit në SHBA janë shënuar 1200 viktima, duke e çuar në 9,620 numrin total të vdekjeve nga COVID-19.
SHBA regjistron më shumë se 336 mijë raste infektimi, duke mbajtur kryesimin si vendi me numrin më të madh të të infektuarve.
Deri më tani në SHBA janë shëruar më shumë se 17 mijë persona.
Sa i përket numrit të vdekjeve, SHBA renditet e treta me numrin më të madh, pas Italisë dhe Spanjës.
Italia vijon të ketë numrin më të madh të viktima të shënuara nga koronavirusi (15,887). Ndërsa Spanja regjistron 13,055 viktima.
1,284,740 raste numërohen nga koronavirusi në të gjithë botën, ndërsa 70,320 persona kanë humbur jetën.
