Edhe pse ndodhet shumë pranë SHBA-ve, ku tashmë numërohen më shumë se 400 mijë të infektuar nga koronavirusi, situata nuk duket dhe aq e rëndë në Kanada.
Në 24 orët e fundit në këtë vend janë shënuar 21 viktima, duke e çuar në 402 numrin total të viktimave.
Ndërkohë, sot janë konfirmuar edhe 582 raste të reja me koronavirus në Kanada. Deri më tani në Kanada janë regjistruar 18,479 raste me COVID-19.
Koronavirusi vijon t’i marrë jetën mijëra njerëzve në mbarë botën, teksa deri më tani kanë humbur jetën mbi 86 mijë persona.
Rreth 2 mijë persona kanë ndërruar jetë vetëm në SHBA gjatë 24 orëve të fundit. Mbi 1 milionë e 469 mijë persona janë prekur nga COVID-19 në të gjithë botën.
