Greqia vijon të jetë një nga shtetet më të prekura nga koronavirusi në gadishullin e Ballkanit.
Dy persona të tjerë kanë humbur jetën në 24 orët e fundit në shtetin fqinj, duke e çuar në 123 numrin total të viktimave.
Ndërkohë janë verifikuar edhe 7 raste të reja të personave të infektuar nga COVID-19. Kështu numri total i rasteve të identifikuara ka shkuar në 2,408.
577 persona janë shëruar në vendin fqinj, ndërsa 1,710 raste janë ende aktive. Ndërkohë, në 4 maj pritet të nisë dhe faza e parë e rihapjes, ku qytetarëve nuk do u duhet më që të marrin autorizim për të dalë nga banesa.
Koronavirusi ka prekur më shumë se 2,6 milionë njerëz nga e gjithë bota. Ndërsa mbi 185 mijë persona kanë humbur jetën si pasojë e tij.
