SHBA vijon të shënojë numrin më të madh të viktimave nga koronavirusi, brenda një dite.
Sipas mediave amerikane, në 24 orët e fundit në vend kanë humbur jetën 1,997 persona, duke e çuar në 40,565 numrin total të viktimave nga COVID-19.
SHBA shënon numrin më të madh të viktimave nga koronavirusi, duke regjistruar rreth 17 mijë viktima më shumë se Italia që renditet e dyta.
Vendi më i prekur në SHBA është New York, i cili numëron më shumë se 247 mijë raste infektimi dhe 18,298 viktima.
Deri më tani në SHBA janë shëruar 71,012 persona. Numri i rasteve ende aktive është 652,688, prej të cilëve 13,566 persona ndodhen në gjendje të rëndë shëndetësore.
Pas New York-ut, vendet më të prekura në SHBA janë: New Jersey, Massachusetts, Pennsylvania, California, Michigan etj.
Më shumë se 2,4 milionë njerëz nga e gjithë bota janë prekur nga koronavirusi, ndërsa mbi 165 mijë persona kanë humbur jetën.
Pse rrogat rriten në letra, por varfëria rritet në realitet?