Bilanci/ Koronavirusi shënon një tjetër viktimë në Mal të Zi

Një tjetër person ka ndërruar jetë nga koronavirusi në Mal të Zi, duke e çuar në 7 numrin total të viktimave.

Sipas mediave vendase, bëhet fjalë për një person të moshës 83-vjeçare. Pacienti ndodhej në gjendje shumë të rëndë shëndetësore që prej datës 23 mars. Ndërsa raportohet se ai vuante edhe nga sëmundje të tjera.

Deri më tani në Mal të Zi janë regjistruar 321 raste me COVID-19, ndërsa janë shëruar 153 persona.

Rreth 3 milionë njerëz nga e gjithë bota janë prekur nga koronavirusi, ndërsa mbi 207 mijë persona kanë humbur jetën.