Koronavirusi ka shënuar 13 viktima në Zvicër në 24 orët e fundit.
Kështu numri total i viktimave në Zvicër shkon në 1,406. Ndërkohë janë shtuar edhe 204 raste të reja infektimi, duke e çuar në 27,944 numrin e përgjithshëm të rasteve.
Zvicra është një nga vendet më të prekura nga COVID-19 në Evropë. Ajo renditet e 15-ta në botë për numrin më të madh të rasteve të regjistruara, pas SHBA-ve, Italisë, Spanjës, Francës, Gjermanisë, Mbretërisë së Bashkuar, Kinës, Turqisë, Iranit, Belgjikës, Kanadasë, Holandës, Brazilit dhe Rusisë.
Mbi 17 mijë persona në Zvicër janë shëruar nga ky virus. Numri i rasteve aktive në vend është 8,738, prej të cilëve 386 ndodhen në gjendje të rëndë shëndetësore.
