Greqia ka konfirmuar sot edhe 3 viktima të tjera nga koronavirusi, duke e çuar në 105 numrin total të personave që kanë humbur jetën nga ky virus.
Ndërkohë mësohet se në 24 orët e fundit janë shtuar 15 raste të reja infektimi. Që nga momenti i shpërthimit të COVID-19, në shtetin fqinj janë shënuar gjithsej 2,207 raste infektimi.
Sipas Worldometer, 269 persona janë shëruar nga koronavirusi në Greqi, ndërsa 69 pacientë që ndodhen në spital janë në gjendje kritike për jetën.
Mbi 1,800 raste janë ende aktive në shtetin fqinj. Kujtojmë se shteti grek ka ndërmarrë disa masa për të frenuar përhapjen e virusit vdekjeprurës, i cili tashmë ka goditur thuajse të gjitha shtetet e botës.
Më shumë se 2,1 milion njerëz nga e gjithë bota janë prekur nga koronavirusi, ndërsa mbi 141 mijë persona kanë humbur jetën.