Bien testimet, ulen dhe rastet e reja/ 17 viktima në 24 orët e fundit

Kurba e Covid-19 në vend ka pësuar një rënie të lehtë, por vijon të mbetet e lartë.

Ministria e Shëndetësisë informon se në 24 orët e fundit, 695 persona rezultuan pozitivë.

Rezultatet e të infektuarve vijnë nga kryerja e 1.963 testimeve, një shifër më e ulët se e një dite më parë.

Ndërkohë, 17 qytetarë nuk arritën ta fitonin betejën me virusin.

Aktualisht në 4 spitalet COVID, po trajtohen 463 pacientë.

Rastet pozitive të konfirmuara janë identifikuar në këto bashki:

281 raste në Tiranë, 65 në Elbasan, 59 në Fier, 51 në Lushnje, 36 në Lezhë, 35 në Durrës, 32 në Gjirokastër, 23 raste në Përmet, 18 në Pukë, 15 në Korçë, nga 12 raste në Vlorë, Berat, 9 në Mat, nga 6 raste në Has, Mallakastër, nga 5 raste në Krujë, Kukës, Delvinë, nga 4 raste në Dibër, Malësi e Madhe, nga 3 raste në Devoll, Gramsh, Kuçovë, nga 1 rast në Shkodër, Tepelënë, Kolonjë.

Viktima – Kanë humbur jetën 17 qytetarë me Sars-Cov2 pozitiv në spitalet COVID: 5 qytetarë nga Tirana, 2 qytetar nga Elbasani, 2 qytetar nga Përmeti, 2 qytetare nga Fieri, 1 qytetar nga Shkodra, 1 qytetar nga Prrenjasi, 1 qytetar nga Lushnja, 1 qytetar nga Gjirokastra, 1 qytetar nga Kavaja, 1 qytetar nga Shijaku, të moshave 58-79 vjeç.

Të shtruar në spitale – Aktualisht në 4 spitalet COVID, po trajtohen 463 pacientë, 37 në terapi intensive, 9 pacientë janë të intubuar.

COVID-19 – Statistika (07 Dhjetor 2020)

Raste të reja ditore 695

Të shëruar ne 24 orë 563

Të shtruar në spitale 463

Humbje jete në 24 orë 17

Testime ditore 1.963

Testime totale 205.971

Raste pozitive 43.683

Raste të shëruara 22.180

Raste Aktive 20.581

Humbje jete 922