Pas temperaturave ekstreme, më në fund meteorologët japin lajmin e mirë për rënie të temperaturave.
Ashtu siç ishte parashikuar, ditën e sotme ka pasur rënie të lehtë të temperaturave, konkretisht me mesatarisht 1.6 gradë.
Kthjellimet do të dominojnë të gjithë vendin deri në mesditë, kur në veri do të ketë vranësira. Mundësia për reshje mbetet e pakët, ndërsa edhe pasditja do të vijojë me kthjellime në bregdet dhe zonat e ulëta.
Vranësirat shtohen në gjithë zonat malore duke rrezikuar nga shira të përkohshëm ekstremin verior dhe zonat verilindore.
Gjatë natës, pjesa më e madhe e vendit mbetet kryesisht me kthjellime, ndërsa temperaturat e ajrit sjellin një rënie të lehtë, më e ndjeshme në zonat veriore dhe verilindore të vendit.
