Gjykata e Lartë në Stamboll ka liruar nga akuzat biznesmenin shqiptar, Sinan Idrizi.
Ky i fundit, ishte akuzuar për mashtrim nga një biznesmen turk, Adnan Polat, dikur ish-presidenti i Galatasaray.
Prokuroria kishte kërkuar dënimin e Idrizit me 10 vite burg, ndërkohë që vetë aksioneri i “Air Albania”, së bashku me avokatin e tij, kërkonin pafajësinë. Megjithatë, Gjykata e Lartë e Stambollit u shpreh në favorin e tyre.
Në këtë mënyrë, bien poshtë përfundimisht akuzat e Polat për mashtrim, në lidhje me marrjen e një shume si paradhënie prej 3.2 milionë eurosh në vitin 2017, nën premtimin e blerjes së kompanisë koncesionare “GFI Albania”.
Një lajm i mirë për Idrizin, por edhe Flamurtarin, ku mban rolin e adiministratorit dhe financon kuqezinjtë.
