E shtunë, 31 Korrik, 2021
31.5 C
Tirana

Bie miti: Sipas FBI-së edhe kriptomonedhat janë të identifikueshme

Javën e kaluar, Departamenti amerikan i Drejtësisë, njoftoi se kishte zbuluar dhe konfiskuar pothuajse gati të gjitha bitcoin-et që ishin paguar në formën e gjobave nga kompania që drejton gazsjellësin amerikan “Colonial Pipeline” hakerave të lidhur me organizatën “DarkSide”, të cilët arritën të ndërpresin punën e kompanisë përmes një sulmi kibernetike të organizuar më 7 maj.

Sulmi në fjalë shkaktoi mungesa të theksuar të karburantit në të gjithë bregun lindor të Shteteve të Bashkuara, dhe një rritje të çmimit për disa ditë më radhë. Nga 75 bitcoin të paguara nga kompania, në atë moment të barazvlefshme me 4.4 milion dollarë, dhe tani të barabarta me rreth 2.7 milion dollarë, FBI ka rikuperuar 63.7 prej tyre, aktualisht të tregtueshme në treg për shumën 2.3 milion dollarë.

Ky lajm pati dy efekte të rëndësishme. Nga njëra anë, ai tregoi se sulmet kibernetike që synojnë marrjen e një shpërblimi, si në rastin e “Colonial Pipeline” mund të mos jenë aq fitimprurëse dhe pa rreziqe sa mund ta besojnë shumë kriminelë të internetit.

Por mbi të gjitha, lajmi habiti të gjithë ata që mendonin se kriptomonedhat dixhitale përdoren për transaksione të paligjshme, pasi ato janë të pa gjurmueshme dhe garantojnë anonimitet. Monedha të tilla si Bitcoin,po vlerësohen shumë nga kriminelët kibernetikë për shkak të tipareve të ndryshme:ato ju lejojnë të bëni pagesa dixhitale gati të menjëhershme, pa përdorur një ndërmjetës financiarë si bankat apo ndonjë organ tjetër, dhe janë në gjendje të mbrojnë në mënyrë efektive identitetin tuaj. Por operacioni i FBI-së në rastin e sulmit ndaj “Colonial Pipeline”, ka treguar se Bitcoin nuk përbën një mburojë përfundimtare për kriminelët në internet:për sa kohë që kemi burime të përshtatshme, edhe Bitcoin është i gjurmueshëm dhe i identifikueshëm.

Para së gjithash, është i nevojshëm të bëhet dallimi midis dy koncepteve të ndryshme. Ai i gjurmueshmërisë, që është mundësia ose jo e rindërtimit të transaksioneve të kryera përmes Bitcoin, dhe ai i anonimitetit, pra mundësia ose jo e identifikimit se kush i kryen transaksionet.

Sa i përket gjurmueshmërisë, Bitcoin është një nga format më të lehta të gjurmimit të parave. Të gjitha transaksionet e kryera përmes Bitcoin janë të arritshme nga publiku, duke u konsultuar me bllokun e tij, një libër i përbashkët i përbërë nga disa blloqe (nga këtu buron emri “zinxhiri i blloqeve”) ku regjistrohen transaksionet pasi konfirmohen nga rrjeti.

Kur një bllok është i mbyllur,edhe informacioni që ai përmban nuk mund të modifikohet apo manipulohet, prandaj lë pas një gjurmë të pashlyeshme. Fakti që zinxhiri i blloqeve është i disponueshëm për publikun, e bën secilin Bitcoin lehtësisht të gjurmueshëm nga ata që zotërojnë aftësitë e nevojshme.

Pra më lehtë dhe më shpejt jo vetëm sesa paraja e gatshme, e cila është padyshim forma më pak e gjurmueshme e parave, por edhe transfertat bankare. Për të gjurmuar një Bitcoin nuk nevojitet autorizim, ndërsa për të rindërtuar me sukses mënyrën sesi është kryer një transfertë bankare tradicionale, hetuesit kanë nevojë për leje, dhe këto të fundit mund të zgjasin me muaj ose vite për t’u marrë, sidomos nëse paratë kanë dalë nga llogaritë jashtë vendit.

Siç e ka treguar rasti i “Colonial Pipeline”, lëvizjet e Bitcoin mund të gjurmohen shumë më shpejt. Gati i gjithë gjoba e paguar ndaj hakerave u rikuperua brenda një muaji. Paradoksalisht, nëse hakerat do të kishin kërkuar shpërblimin në dollarë në një llogari në emër të subjekteve të tjera, ndoshta në një parajsë fiskale, hetuesve do t’u duhej shumë më shumë kohë për të gjurmuar paratë.

Arsyeja se përse ata preferuan që ta kërkojnë pagesën në Bitcoin, është se ajo transferohet menjëherë, pa nevojën e miratimit të ndërmjetësit, dhe mbi të gjitha sepse këto kriptomonedha ju lejojnë që të mbroni identitetin tuaj shumë më mirë sesa transferimet bankare tradicionale.

Në fakt, sado i gjatë që mund të jetë procesi, duke gjurmuar transfertat bankare, hetuesit mund të gjurmojnë lehtësisht identitetin personal të kriminelëve. Kjo pasi bankat kërkojnë gjithmonë të dhëna personale për të hapur një llogari.

Nga ana tjetër,për t’u pajisur me Bitcoin ju nuk keni nevojë për llogari të lidhura me identitetin tuaj personal. Por kjo nuk do të thotë se Bitcoin garanton anonimitet, ndaj ne arrijmë t`i identifikojmë. Sa i përket anonimitetit, duhet të sqarojmë diçka:Bitcoin nuk garanton pagesën apo marrjen e pagesave në mënyrë anonime.

Përkundrazi ai ofron një formë pseudonimi. Në internet, anonimiteti nënkupton pamundësinë e gjetjes së identitetit personal të personit që ka kryer një veprim. Por nga ana tjetër, pasja e një pseudonimiteti ndodh kur një person vepron nën një pseudonim, pra kur veprimet e tij i atribuohen një emri (apo një numri, një kodi identifikues, një pseudonimi) që nuk është i tiji.

Pseudoidentiteti është padyshim një formë më pak e fortë e fshehjes së identitetit sesa anonimati, sepse nëse mund të krijoni një korrespondencë midis pseudonimit dhe identitetit real të personit, të gjitha veprimet e kryera nën të njëjtin pseudonim, mund t’i atribuohen atij personi.

Se si arriti FBI të gjente çelësin privat të hakerave, ky mbetet informacion konfidencial. Por “The New York Times” ka spekuluar se agjentët mund ta kenë marrë atë në mënyra të ndryshme:nga infiltrimi i një spiuni brenda organizatës “Darkside”, tek hakerimi i kompjuterave ku mbaheshin ato.

Përshtatur për Tirana Today

burimi: https://www.ilpost.it/2021/06/19/bitcoin-anonimato-riscatto-colonial-pipeline/

- Reklama -

Më shumë nga kategoria




Të fundit

Lamtumirë doktor!

Ka kohë që diplomatët amerikanë kanë hequr dorashkat. Jo më larg se dje, ambasadorja e SHBA me një gjuhë cinike iu tha anëtarëve të...

Shkelën rregullat kundër Covid, përjashtohen 2 sportistë nga Olimpiada në Tokio

Dy xhudistë të Gjeorgjisë janë përjashtuar nga Lojërat Olimpike Tokio 2020, pasi kanë dalë për shëtitje jashtë Fshatit Olimpik, ka raportuar agjencia japoneze e...

117 milionë euro, Manchester City pranë blerjes rekord

Manchester City është shumë afër goditjes së radhës në merkato. Sipas shtypit anglez, mungon shumë pak për arritjen e marrëveshjes për mesfushorin e Aston Villa-s,...

Koronavirusi/ Profesori grek: Do të krijohen më shumë mutacione ngjitëse

Profesori Theodoros Vasilakopoulos në një intervistë për mediat vendase, foli për rrjedhën e pandemisë në vend dhe procesin e vaksinimit ku thotë se ashtu...

Teatri Kombëtar në pronësi të Bashkisë/ PD: Rama nuk pyet për drejtësinë

Partia Demokratike ka reaguar ashpër ndaj vendimin e qeverisë për t'i kaluar truallin e Teatrit Kombëtar në pronësi të Bashkisë së Tiranës. Deputetja e zgjedhur...