Kryetari i ri i Bashkisë së Kamzës, Rakip Suli, ka bërë betimin e tij si kryebashkiak në ambientet e shkollës së mesme “Ibrahim Rrugova”.
Po kështu pak më parë janë konstituuar edhe 40 anëtarët e Këshillit Bashkiak, të cilët do të punojnë për këtë bashki në 4 vitet e ardhshme.
Të pranishëm në ceremoni ishin edhe figura të rëndësishme nga radhët e Partisë Socialiste si Sekretari i Përgjithshëm, Taulant Balla dhe deputeti Ervin Bushati.
Gjykata e Tiranës disa ditë më parë i dha mandatin kreut të ri të bashkisë së Kamzës, Rakip Suli. Ish-kryetari i kësaj bashkie, Xhelal Mziu bëri kërkesë në Gjykatë për të qenë palë në këtë proces dhe dorëzoi pranë saj të gjitha provat që sipas avokatit të tij, Ivi Kaso tregonin se zgjedhjet e 30 qershorit nuk ishin legjitime, por kjo kërkesë e tij nuk u pranua.
