Anëtari i parë i Gjykatës Kushtetuese, Besnik Muçi, është betuar ditën e sotme para presidentit Ilir Meta, si dhe në praninë e përfaqësuese të vendeve të BE-së dhe të SHBA-ve.
Muçi u përzgjodh nga kreu i shtetit para disa ditësh në mesin e katër kandidaturave të dërguara nga Këshilli i Emërimeve në Drejtësi.
Pas ekzekutimit të himnit kombëtar dhe leximit të dekretit, gjyqtari Muçi, duke vendosur dorën mbi Kushtetutën e Shqipërisë, u betua duke u zotuar se do t’i qëndrojë besnik Kushtetutës.
“Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë”, tha ai.
Presidenti Meta duke i dorëzuar gjyqtarit dekretin e emërimit në këtë detyrë, i uroi suksese.
