Besimtarët e krishterë kremtojnë Krishtlindjen, një prej datave më të rëndësishme të kalendarit të tyre fetar. Për shkak të situatës me pandeminë, mesha është afruar në kohë. Imzot George Frendo ka mbajtur meshën e tij të fundit, pasi ka dhënë dorëheqjen. Ai përcolli edhe mesazhe për më shumë dashuri dhe paqe mes njerëzve. Krah tij, qëndronte edhe arqipeshkvi i ri, Arjan Dodaj.
Mesazhe paqeje kanë dhënë dje edhe krerët e besimeve fetare, e po ashtu edhe politikanët. Kryepeshkopi Anastas Janullatos, teksa uron besimtarët shkruan se dhurata më e bukur në këtë ditë është forcimi i besimit në Zot.
Këtë mëngjes po mbahet mesha e besimtarëve ortodoksë në katedralen “Ngjallja e Krishtit”. Meshën e mban kryepeshkopi Anastas Janullatos.
Një mesazh dha sot nga Shkodra edhe Imzot Angelo Massafra, kryeipeshkvi i Shkodër-Pultit e Presidenti i Konferencës, i cili uroi besimtarët.
