Besart Berisha pavarësisht moshës vazhdon të jetë shpëtimtari i ekipit australian Melburn Viktori. Në çerekfinale shqiptari që përfaqëson Kosovën ka shënuar një gol vendimtar në minutën e 89’ të takimit përballë Adelaides, duke bërë të mundur kalimin në turin tjetër të Ligës Australiane.
Deri në ato momente, sfida ishte në shifrat 1-1, por një roveshatë e Berishës brenda zonës, bëri që tifozët të çmenden, dhe ekipi i tij siguroi gjysmëfinalen. Në fundin e takimit Berisha ka zbritur në fushë me fëmijët e tij dhe djali ka imituar të atin për golin që bëri me roveshatë. Më pas në faqen zyrtare të klubit është postuar videoja me mbishkrimin “Ndoshta një ditë”.
