Silvio Berlusconi ndodhet prej ditësh në spital, si pasojë e infektimit me koronavirus. Por një tjetër anëtare e familjes është prekur nga virusi. Bëhet fjalë për vajzën e tij.
Marina Berlusconi ka rezultuar pozitive me Covid-19. Pas shumë tamponëve negativë në fundjavë, testi ka dalë pozitiv. Ajo është mirë dhe po punon normalisht nga shtëpia. Vajza e parë e Silvio Berlusconit, së bashku me familjen e saj është izoluar në rezidencën e saj në Milano që prej të mërkurës, kur babai i saj rezultoi pozitiv. Edhe kushtet shëndetësore të bashkëshortit dhe të dy fëmijëve të saj janë të mira.
Ndër të tjera Silvio Berlusconi ka kaluar natën e katërt në spitalin San Raffaele në Milano, pas infektimit me Covid-19 dhe problemeve shëndetësore nga një polmoni bilateral.
“Nata e kaluar ka qenë një natë e qetë për Berlusconin”, ka thënë profesor Alberto Zangrillo, mjeku i tij dhe shef i repartit të Anestezisë dhe Reaminacionit.
