Ish-kryeministri Berisha ka marrë fjalën në nisje të seancës plenare në Kuvend duke treguar synimet që ka nisma për rezolutën e kërkuar për dënimin e genocidit serb në Srebrenicë. Ai u shpreh se njohja e genocidit në Srebrenicë është një akt i domosdoshëm për kombet dhe shoqëritë e civilizuara, dhe se është kusht themelor që të mos përsëritet. Barisha sulmoi po ashtu edhe presidentin serb Aleksandër Vuçiç, për të cilin tha se ai është frymëzuesi i genocidit.
“Nisma e PD për të dënimin e masakrës së Sebrenicës në tërësi burra dhe djem të besimit mysliman të vendosur në një zonë të mbrojtur nga OKB dhe për tu mbrojtur, ka synim të shprehë nderimin për viktimat e kësaj barbarie më të madhe pas luftës së Dytë Botërore të regjistruar ne Evropë.
Ka synim të shprehë solidaritetin me Bosnjë-Hercegovinën. Pavarësisht nga kjo, aty u zhvillua kasaphana më e madhe. Ata që arritën të shpëtojnë, u ndoqën pyjeve të Bosnjës dhe u ekzekutuan pothuajse njëri prej tyre. Ato që nuk njohin genocidin, kanë njohje prehistorike. Parimi klasik i genocidit të bazuar në urrejtjet fetare. Kemi detyrim madhor, për të dënuar këtë genocid, i cili është sanksionuar në vendime të gjykatave më të mëdha të kohës.
Por pa dyshim udhëheqësit, si Aleksandër Vuçiç i cili është regjistruar se për çdo serb duhet të vriten 100 myslimanë. Nëse Ballkani sot ndodhet në këtë situatë, në rast se nuk ecën drejt BE-së, një nga shkaqet madhore është qendrimi i gabuar ndaj Vuçiç, i cili është frymëzues i genocidit serb. Ky njeri është një Putin i vogël, i gatshëm që ti përsërisë ato në çdo kohë. Ju nuk votoni një rezolutë që dënon barbarinë më të madhe pas Luftës së Dytë Botërore ndaj një fqinji siç është Bosnja. Faktori Dodik po dëmton këtë shtet të marrë vendimet e duhura. Ju ftoj të votojmë këtë rezolutë, si një detyrim madhor të një kombi të qytetëruar”, tha Berisha.
Nga foltorja e Kuvendit, kreu i grupit parlamentar të socialistëve, Taulant Balla, ka lëshuar akuza në drejtim të ish-kryeministrit Sali Berisha, duke e bërë dhe atë përgjegjës për masakrën e Srebrenicës.
“Të nderuar kolegë dhe kolege, Kuvendi i Shqipërisë, Shqipëria, e ka dënuar, e dënon dhe do e dënojë përjetësisht genocidin e Srebrenicës, ose tragjedinë e Bosnjës dhe ka mbështetur të gjitha dënimet shembullore të gjykatë së Hagës përkundrejt të gjithë urdhëruesve të kësaj tragjedie.
8 mijë boshnjakë myslimanë kanë humbur jetën. Ia thash dhe zotit Shehu, kam pasur mundësinë që të vizojë memorialin, dhe besoj se në 11 korrik, biem dakord, që të kemi një seancë të Kuvendit të Shqipërisë për të përkujtuar këtë masakër dhe të mbajmë një minutë heshtje në përkujtim të kësaj masakre.
Kur ka ndodhur masakra? Në 11 korrik të 1995. Ia thash dhe zotit Shehu, se me këtë përfaqësuesin e botës së përtejme që foli këtu, thjesht dhe gjetëm kjo që sapo dëgjuat, e shumë fjalime të tjera. Duken si turpërime dhe në fakt, është e pakuptueshme që një njeri që është i vetmi në këtë sallë, edhe ndoshta pak me Tritan Shehun, që kanë përgjegjësi direkte të turpit që ka marrë Shqipëria asokohe. Erdhe si cjapi te kasapi. Kisha kohë që prisja të ti thoja dy fjalë për këtë çështje. Gabim që kemi bërë që si kemi hapur më parë këto peta byreku me ty.
Genocidi serb, nga ushtria jugosllave është ushqyer me naftën prej teje. Kjo çështje nuk mbyllet sot. Në 25 prill të 1995, pra rreth 3 muaj nga dita e ndodhjes së kësaj tragjedie, gazeta New York Times publikon një raport, ku thuhet; Shqipëria po furnizon me naftë kontrabandë ushtrinë serbe në Bosnjë”, tha Balla.
Balla mes të tjerash paralajmëroi Berishën, se pas 4 vitesh nuk do të jetë më deputet në këtë sallë.
“Ia thash dje kryetarit që kishe lënë ti, Tritan Shehut që ne mund të biem dakord që të bëjmë rezolutë për këtë çështje, por kurrë një rezolutë që të vijë me firmën tënde. Katër vite sa të jesh këtu ti nuk merr asnjë firmë, katër vite nuk do jesh, por nejse. Merrni lexoni librin e ish-presidentit të Malit të Zi, sepse zotëria ka bërë të gjithë furnizimin me naftë të ushtrisë serbe.
Thuhet se kemi pasur marrëveshje të heshtur me presidentin e asaj kohe, Sali Berishën për të shtrirë tubat në Shkodër, për të çuar naftën në Mal të Zi. Ndjen përgjegjësi që ti ke thyer embargo të SHBA me marrëveshje, është provë Algor e ka shkruar në raport.
Ndaj është habia e madhe, ç’ne Amerika është kujtuar për Saliun se Saliu është burri i mirë. Unë se kuptoj se ku e gjen t’i…se njeriu ka njëfarë keqardhje, kanë vdekur 8 mijë veta atje dhe t’i ke përgjegjësi direkte. Kanë furnizuar makinerinë e luftës me naftë. Po të mos e kishe furnizuar ti, ndoshta nuk do të kishte ndodhur kjo tragjedia. Ne e dënojmë genocidin në Srebrenicë, por jo të lëmë që iniciativën për të bërë rezolutë për këtë ta marrësh ti. Vetëm me drejtësinë nuk i ka mbyllur hesapet.
Thyerja e embargos së Kombeve të Bashkuara duhet rihapur. 5 vite ka furnizuar makinerinë serbe, duhet të vinin socialistë në pushtet në ’97 për të ndërprerë naftën kontrabandë. Ne i bashkohemi 11 korrikut, që Kuvendi të zhvillojë një seancë ku të kemi edhe përfaqësues të qeverisë dhe të përafrojmë qëndrimin tonë. Zotëria ka qenë president i asaj kohe dhe ky u kujtua pas 20 viteve. Sa i përket luftës në Kosovë, t’i mbetesh tradhtari më i madh”, pohoi Balla.
